NAM PLA WAN/NAM PLA PRIK

Hello! Kan lo dam tlang em?Chibai vek u le!September thla chawhnu lam kan lo thleng leh ta der mai!Hun hi a kal chak teh e,thla hnih khat an vei leh chuan Mizo in kan hunpui Krismas a lo ni mai dawn!Mahse he hripui vang hian kan hunpui pawh hi a PUI thei dawn lo te pawh a ang ka ti!


Ka sawi leh duah ta hei...thupui ah lut ang!Tun țum chu Side Dish aw niang!Dipping Sauce Thai-Style kan sawi dawn a ni!Thailand ram mi Thai ho in a an uar em² an thil ei engkim a a sira lo inhung a lo tel ve ngei² țhin Nam Pla Prik/Nam Pla Wan chungchang kan sawi dawn a ni.Keini pawn awlsam te a kan lo siam ve theih reng a nia,siam chhung hi 10 minutes chauh a ni lehnghal!
                       Inset÷ Nam Pla Prik

Nam Pla tih awmzia chu Fish Sauce tihna a ni ta Fish Sauce hi keini pawn Sanpiau kan tih mai a an telh țhin,a dum tle sar sar kha a ni,Wan tih awmzia chu Sweet/thlum tihna ani leh ta. Prik tih awmzia chu Black Pepper/White Pepper tihna ani leh ta.Nam Pla Wan leh Nam Pla Prik hi thil hrang mahse sawipawlh theih khawp a inang anih avang in ka rawn sawi pawlh mai dawn a ni!Theithur nen eitur hrim hrim pawh a inrem viau mai!Chilli Sauce anih ber chu kan hriatthiam dan tur chuan.Uluk tak a vawn țhat a air tight container a dah chuan kar 2/3 vel chu a rin theih a ni.
                    Inset÷ Nam Pla Wan

Mamawh te:-

a) Hmarcha pui.
b)Chini.
c)Fish Sauce.
d)Limbu/Nimbu Tui.
e)Purun sen/Purun var.

A siam dan:-

a)Hmarchapui hring emaw tai emaw pum 7 bawr vel chu i zailep ang(siam tam duh dan a zir in a zat khi chu mahni ngaihdan dan kha ni mai se).

b)Chini ½tbsp emaw 1tbsp(hei pawh a thlum dan tur i duhtawk ni se)1tbsp hi a tawk viau.

c)Fish Sauce 6tbsp i telh leh ang a,heihi chu a siamtu ber a hming put chhan anih ang in sawi zat chiah chiah hi duhthusam a ni.

d)Limbu/Nimbu tui 3tbsp i telh leh ang a.

e)Purun sen emaw purun var chansawm 2tbsp i telh leh ang a.

Bowl ah Limbu/Nimbu tui,Chini leh Purun chan sawm dah ang a,chumi dawt ah Hmarchapui zailep i thlak leh ang a,2 minutes(a pawimawh ania)i dah vang vang phawt ang,chumi hnu ah Fish Sauce chu i telh leh ang a,Chini hi chawh ral raih tur ani ta...Air Tight Container ah i dah lut ang a,tichuan i ei duh hun apiang ah i phawrh tawh mai dawn a ni!Siam awlsam,tui bawk si anih hi!

                   Inset÷ Nam Pla Prik

Awle,kan lo siam zo ta a,zawhna lo awm thei chu engvang a Thai Cuisine teh daih te pawh in lo ti mai thei a,mahse Thai eisiam hi a danglamna leh a lar na em em chhan chu thil 4-Thlum,Thak,Thur leh Kha hi a tel ngei ngei zel a,a combination hi a țha em em a,hrisel in a tui em em bawk a,thlai leh thei keini Mizo in a siampawlh en a kan en loh pawh hi an ni chuan an tihpawlh vek a,thil tui danglam tak ah a lo chhuak thei țhin a ni...I lo chik ve em tih phei chu ka hre lo na in khawvel pum huap ah hian Thai Cuisine /Eisiam/Eitur hi a lar pawl niin miin an entawn nasat ber ani e an tia lawm!

Lo zir la,lo chhiar la,lo ti ve ta che...hei hi chu in beng ti vir tur tawk lek a ka sawi hnawrhmuh na che u a ni ber e...ngaihnawm tak tak,tui tak a siam theih awlsam bawk si a tam a ni aw Thai Foods/Cuisine ho hi!

Duhtawk phawt ang,dam leh hrisel leh him takin lo awm u la!

Comments

  1. Joel Lairemsanga21 September 2020 at 04:47

    A ngaihnawmnteh e. Ka chhiar laia rilra lo awm chu - ei siam i thiam hmel sia i pasal a vannei ngawt ang tih hi😅

    ReplyDelete
    Replies
    1. The Skinny Boulevard21 September 2020 at 05:22

      Va ti lawmawm ve,ni e a vannei viau mai thei ani,vannei intih nachang a hria te a nih chuan😄

      Delete

Post a Comment

Popular posts from this blog

FANGHMA(CUCUMBER)

Image
Fanghma hi India ram ațanga rawn piang a rawn lar chho zel a ni a,Kum 3000 dawn lai mai an ching in an lo buaipui tawh ani.Grik leh Rom mi ten Europe ram țhenkhat ah thehlar in an lo hmelhriat chho ve ta ani. Christopher Columbus chuan Haiti ramah Kum 1494 khan keng lut in Spanish ho chuan an ching ta ani.Fanghma hi nipui laia thar chi a nih avangin vawt ah chuan a țo thei lova,ram lum ah chuan a thar hma pawl chuan February ațanga March bawr ah an thar a,hmun țhenkhat ah  chuan April ațanga June thleng a ni bawk. Fanghma hi Science thiamna ațanga thlir chuan thlai(vegetable)ni lovin thei(fruit)a ni;a chhan chu a lo par a,chuța țang chuan a chi lo insiamin kan tuh țhin vang a ni. Chutiang a lo nih chuan heng thlai kan tih -Bean,Mai ,Hmarcha ,Tomato leh Bawrhsaiabe te pawh hi thei ah kan lo chhiar thei dawn a ni. Fanghma zam hi țhangchak tak mai a nih avangin tui pek chungchang ah pawh a lo ber ah kartin tui 1to 2 inches pek ziah a ngai a,I chin na hmun lei ro leh char anih phei chu...
Read more

CORIANDER & CILANTRO

Image
Mi tam tak chuan Coriander(Dhania) leh Cilantro(Pardi) hi kan hriat pawlh fo țhin a,thil thuhmun leh pakhat a ni mai lawm ni?eng nge a danglamna?ti fo pawh an awm țhin a ni. Tun țum ah hian an inan leh inanlohna bakah thil hrang an nih theih dan kan sawi dawn a ni.               (Inset:-Coriander(L) Cilantro(R) ) CORIANDER LEH CILANTRO CHU INANG EM? An pahnih hian an lo pian\chawr chhuahna a inan avang hian sawi pawlh an awm fo țhin.Mahse eitur a kan han siam chiah hian a hrang hlak a,a rim chenin a inaglo a ni. Coriander leh Cilantro te hi kung pakhat ațanga lokal ni in a Scientific name chu Coriandrum Sativum niin language leh  word zir chiang țhin( Etymology) chuan Coriander tih thu nen a inan zia pawh in hriat ka ring. A inanlohna dang leh chu ei I siam dawn a khawi zawk nge hman ngai a khawi zawk kha nge hman tur tih ah khan a ni leh a, Cilantro  chu Spanish  țawng   niin Coriander tihna a lo ni leh a, Coriander  tih chuan...
Read more