FANGHMA(CUCUMBER)

Fanghma hi India ram ațanga rawn piang a rawn lar chho zel a ni a,Kum 3000 dawn lai mai an ching in an lo buaipui tawh ani.Grik leh Rom mi ten Europe ram țhenkhat ah thehlar in an lo hmelhriat chho ve ta ani.


Christopher Columbus chuan Haiti ramah Kum 1494 khan keng lut in Spanish ho chuan an ching ta ani.Fanghma hi nipui laia thar chi a nih avangin vawt ah chuan a țo thei lova,ram lum ah chuan a thar hma pawl chuan February ațanga March bawr ah an thar a,hmun țhenkhat ah  chuan April ațanga June thleng a ni bawk.

Fanghma hi Science thiamna ațanga thlir chuan thlai(vegetable)ni lovin thei(fruit)a ni;a chhan chu a lo par a,chuța țang chuan a chi lo insiamin kan tuh țhin vang a ni.

Chutiang a lo nih chuan heng thlai kan tih -Bean,Mai ,Hmarcha ,Tomato leh Bawrhsaiabe te pawh hi thei ah kan lo chhiar thei dawn a ni.


Fanghma zam hi țhangchak tak mai a nih avangin tui pek chungchang ah pawh a lo ber ah kartin tui 1to 2 inches pek ziah a ngai a,I chin na hmun lei ro leh char anih phei chuan karkhat ah tui vawihnih pek te pawh a ngai thei a,a mamawh ang tui hmu țhalo Fanghma chu a kha fuk a,a tui lo bik a ni. 

FANGHMA ȚHATNA TE:- 
  • Fanghma hian tuiril tam tak (96%)a pai avangin taksa a ti hnawng țha in nitin tui kan mamawh zat min pe thei a ni.
  • I taksa rihna paih țhen emaw tih hniam I duh pawhin Fanghma bawk hi a țha leh a,Calorie a pai tlem em em a,tuiril a pai tamna hian taksa rihna tih hniam kawng ah nasa takin min pui thei a ni.Ei vak vak mai rawh le!
  • Ramsa țhenkhat leh test-tube hmanga zirchianna an neih ah chuan Fanghma hian Zunthlum natna awm thei lakah nasa takin min veng bawk a ni.
  • Antioxidant a pai hnem avang hian Cancer leh lung lam natna lakah min veng thei bawk a ni.
  • Fanghma hian Vitamins leh Minerals a pai tam em em a,Fanghma pakhat(300 gms) hian Vitamin C (14%) Vitamin K(62%) Potassium (13%) leh Fiber(2 gms)lai a pai a ni.
  • Fanghma hi vel aiin vel lova a kawr nen a ei hi duhthusam zawk ani bawk a,kan vel chuan a Fiber pai te,Vitamin leh Minerals a pai zawng zawng te kha kan paih tel vek dawn tihna a lo ni.
FANGHMA SIAM DAN:-

a)Fanghma Limbu Salad:- 
Fanghma (a tai ni lo a hmin ni lo)a hel kha a kawr vel in a laiah hmun hnih in a kawkalh in I phel ang a,4 ah a chhuak ta ni,1 te te khan pan deuhin I zailep ang a(Alu velna ang chi khan a pan awlsam)a mu  chang tawh anih chuan a mu kha paih la,a la chang em em lo anih chuan a telh theih bawk a.I tih zawh vekah Limbu tui (1 to 2 tbsp)telh ang chi a al tawk tur nen.

b)Fanghma Raita:- 
Fanghma hel bawk kha a țha leh ang a,a kawr vel vek ang a,Surpi tiat ang vel hian I chan ang a anih loh pawn Grinder I hmang thei bawk a,Grinder tello a I siam dawn chuan a hnuaia ziah ang bawlhlo hi I telh nghal mawp mawp thei a,Grinder I hmang dawn anih erawh chuan Grinder in I hersawm ang a,chumi zawh ah bowl ah la chhuak Dhoi(1cup)I  leihlut ang a,I chawk char char ang,I chawh kawi vek hnu ah Red Chilli Powder(½tbsp)Jeera/Zeera Powder(1tbsp)Chaat Masala Powder (½tbsp) I telh leh ang a,a tawp ber ah Pudina emaw Pardi chan sawm I phul leh ang a...tui ve tak chu a ni.

c)Fanghma Badam Salad:- 
Fanghma kawr vel or vel lovin(I duh zawk zawk in)I chan ang a,a bial zawng chan dan pangngai khan,chumi zawhah Badam kan ro (1cup)I chawhpawlh ang a,Purunsen zailep(1cup)tomato zailep(1cup)Pudina emaw Pardi chan sawm (½tbsp)Chaat Masala Powder(1tbsp) Limbu (1tbsp) leh chi a altawk nen chawhpawlh vek mai tur a ni. Tui deuh mai a nia...I duh chuan Fish Sauce I telh leh ang a(Thai Cucumber Salad) ni leh mai a! 

Comments

Post a Comment

Popular posts from this blog

CORIANDER & CILANTRO

Image
Mi tam tak chuan Coriander(Dhania) leh Cilantro(Pardi) hi kan hriat pawlh fo țhin a,thil thuhmun leh pakhat a ni mai lawm ni?eng nge a danglamna?ti fo pawh an awm țhin a ni. Tun țum ah hian an inan leh inanlohna bakah thil hrang an nih theih dan kan sawi dawn a ni.               (Inset:-Coriander(L) Cilantro(R) ) CORIANDER LEH CILANTRO CHU INANG EM? An pahnih hian an lo pian\chawr chhuahna a inan avang hian sawi pawlh an awm fo țhin.Mahse eitur a kan han siam chiah hian a hrang hlak a,a rim chenin a inaglo a ni. Coriander leh Cilantro te hi kung pakhat ațanga lokal ni in a Scientific name chu Coriandrum Sativum niin language leh  word zir chiang țhin( Etymology) chuan Coriander tih thu nen a inan zia pawh in hriat ka ring. A inanlohna dang leh chu ei I siam dawn a khawi zawk nge hman ngai a khawi zawk kha nge hman tur tih ah khan a ni leh a, Cilantro  chu Spanish  țawng   niin Coriander tihna a lo ni leh a, Coriander  tih chuan...
Read more

NAM PLA WAN/NAM PLA PRIK

Image
Hello!   Kan lo dam tlang em?Chibai vek u le! September thla chawhnu lam kan lo thleng leh ta der mai!Hun hi a kal chak teh e,thla hnih khat an vei leh chuan Mizo in kan hunpui Krismas a lo ni mai dawn!Mahse he hripui vang hian kan hunpui pawh hi a PUI  thei dawn lo te pawh a ang ka ti! Ka sawi leh duah ta hei...thupui ah lut ang!Tun țum chu Side Dish aw niang! Dipping Sauce Thai-Style kan sawi dawn a ni! Thailand ram mi Thai  ho in a an uar em² an thil ei engkim a a sira lo inhung a lo tel ve ngei² țhin Nam Pla Prik/Nam Pla Wan chungchang kan sawi dawn a ni.Keini pawn awlsam te a kan lo siam ve theih reng a nia,siam chhung hi 10 minutes chauh a ni lehnghal!                        Inset÷ Nam Pla Prik Nam Pla tih awmzia chu Fish Sauce tihna a ni ta Fish Sauce hi keini pawn Sanpiau kan tih mai a an telh țhin,a dum tle sar sar kha a ni, Wan tih awmzia chu Sweet/thlum tihna ani leh ta. Prik tih awmzia chu...
Read more